تبلیغات
حبیبی یا عراق


بـحـث فی Google

الـــــــــیــــوم :
الامــــــــــس :
کـل الــــــزوار :
عدد المواضیع :

سلام علیکم

اهدی هذا الشعر الی کافه العراقیین والعرب

طبعا هذه من عندی یعنی انا کتبته

حبیبی اخذنی الحلم وعبرت لیل الهم یبه هذا انه وردت وفه تگطعنی لو تشتم .

شتریداصیرن الک شترید اغنی الک موتات اموتن الک لو مر علیک الحزن لو شع علیک الدم دم انه اصیرن الک اطشر او التم منذور کل العمر یعیونک الیسبن

چنه کبل فقره وطین العجد بهدومنه فقره وتراب الدرب بوجوهنه ولد الزناگین بحدایقهم غفوا واحنه احنه علی حصران الگصب یامن اهل غفونه ا ولاد عمال وفلح ما عدنه نشری بنطرونات وکتب وبلمدرسه , بالمدرسه  ما قبلو ایسجلونه چنه نگضی اللیل بعگود الاهل احنه ودشادیش اللعب ونهوس بعالی الصوت ربعنه لا تخافون ترا الگاع مسکونه

او لمن کبر بینه العمر ثاری صدگ گاع الاهل مسکونه وشفنه الحرامیه تبوگ الضحک من اشفاف الاطفال وشفنه الوطن محبس وبید الاجنبی والدیره مسبیه سبی والصاح آخ من الظلم خاین بحق المملکه مو عربی

او من بین دمعات الیتامه مرت علی الدنیا  علامه مطرت سما دیره مناشیر اتگول الخبز للشعب مو للحرامیه اتگول النفط للشعب مو للحرامیه وتشابگن وحده سنیه وشیعیه وکردیه ومسیحیه

ویکبر ضوه الثوره عشگ ویکبر ضوه الثوره محب من شال ایده بیرق غنی بسمه کل فقیر الغافی بجروح الصرایف عمی او ما یخالف خلهم یزرعون علسجه خناجر مایخالف خلهم یهوسون هوسات المضایف ما یوالف الیحب لو ینطی روحه لو یضل بلا حبیب او ما خالف

وانه جتک یلحبیب تکل الوحشه وصرح روح سوه مشتهیک تمر علی جروحی ملح وغیر ملحک ما رهم گلبی دوه وانه من طفو شمعتی ما صحت گلبی انچوه واله  حوبه  وله  شاره الطفوا شمعات عیده ما ارید الما یصل الدین او ما یحفظ مرامه ما اریده الما عشگ دیرت هله وگاعه وملحه ما اریده وبیده بیده خلهم یگولون ثورتکم بعیده ؟  ما اریده

و شکرا

 Smiley



کتب بواسطة سحر فی جمعه 22 تیر 1386 فی الساعة 10:07 ق.ظ [+] |