تبلیغات
حبیبی یا عراق


بـحـث فی Google

الـــــــــیــــوم :
الامــــــــــس :
کـل الــــــزوار :
عدد المواضیع :

رسالة من حجیة عراقیة الى الرئیس بوش : هابی نیو ییر

تحیة وبعد

ولیدی بوش صبحك الله بالخیر وهابی نیو ییر علیك وعلى كل

أمة العم سام

أبنی .. أنی حجیة عراقیة جبیرة بالعمر ما أحب السیاسة وما

تهمنی أصلا وأنی كنت ناویة أظل ساكتة وأبلع بس مثل ما

یكولون وصلت حدهه .. بعد ما بیها مجال وأنی بصراحة بدیت

أشك بكل تصریحاتك . أكو شی مو طبیعی لأن سیادتك كلما

تطلع بالتلفزیون تضحك وتبتسم وتحجی عن مستقبل العراق

بتفاؤل وأنی أضحك وأبتسم وأصدك كل حجیك لأن أنت

المفروض رئیس أكبر دولة بالعالم قابل لیش راح تجذب ..

شنو راح تخاف من أحد لو تتملق لأحد ! بس یوم ورا یوم

بدیت أحس أنو حجیك ما أله علاقة بالطركاعة اللی أحنا

عایشین بیها .. تطلع وتكول أنو العراق ده یمشی نحو الحریة

والأستقرار وأحنا وداعتك راس الشارع مالتنا ما بینا بعد نوصل

خاتلین بالبیت مرعوبین . تكول العراق راح یتمتع بالدیمقراطیة

والعدالة وأحنا أخو خیته یعنی (برذر أوف هز سستر – ترى

أنی هم شویة اطكطك أنكلیزی ) أی أخو خیته اللی یكدر

یفتح حلكه وداعتك یشتغل السحل والقتل والدریلات ..عیونی

بوش أنی أشوف های لو الدش مال ستالایت البیت الأبیض

مجیم ومحد مسویله صیانة وما ده یشتغل زین فه ما ده

ینقلك الأخبار عدلة .. لو سفیركم بالعراق صایر جذاب .. شلون لا مو عاشر قومنا أربعین یوم !! أی فلازم بعد تتأكد

من الأخبار كبل ما تطلع وتصرح ویطلع حجیك مو صحیح .

بعدین ترى عیب كدام العالم مو أنت رئیس دولة عظمى

ولیدی !!

أحنا نرید مثل مو أنت والجلب مالتك كاعدین جوه شجرة

الكریسمس تتونسون بضواها وتحتفلون بالنیو ییر .. نرید تشد

همتك ویانا وتوفر النا الكهرباء حتى أحنه هم نتونس وتوفرنا

الأمن حتى نأمن على حیاتنا وحیاة ولدنا ونعبر ویاهم للنیو

ییر بدل ما كاعد تدك بینا وترجعنا الالاف الییرز لی ورا ..

وأخیرا أطلب منك توصی حكومتنا وجنودك علینا وهله هله بینا

وبأهلنا تره مثل ما كلت وصلت حدها .. وبالعافیة علیك

فسیفس الكریسمس

یله ولیدی بوبو(دلع بوش)انی اعوفك هسه و مثل مكتلك زین

یبه دیله روح بای بای



کتب بواسطة سحر فی سه شنبه 9 مرداد 1386 فی الساعة 06:07 ق.ظ [+] |